Улаан-Үд хотын “Оранж Хаус” амралтын төвд баригдах Монгол гэр дэлхийн хамгийн том нь болох гэнэ. Шинэ гэр нь Монголын хамгийн том гэрээс голчоороо хоёо метрээр илүү 28 метр болох гэнэ.

 “Оранж Хаус” алтан өргөөг Гиннесийн номын дээд амжилтад бүртгүүлнэ гэж үзэж байна. Гэр нь дотор талдаа хоёр давхар 600-700 хүний багтаамжтай хүлээн авалтын танхимтай байх ёстой. Гэрийн дотоод чимэг нь модон сийлбэр, хөөмөл зэргийн үндэсний урлаг байх гэнэ. Одоо уг гэрийг босгож байгаа. Ирэх зургадугаар сарын 1-нд үүдийг нь нээж өрхийг нь татна.