Хятадын “Unicom” компани нь хөдөлгөөнт холбооны дотоодын зах зээлд гар утас үйлдвэрлэгчдээс хамгийн залуу компани юм. Тус компани Linux дээр суурилсан, Android үйлдлийн системд ямар ч холболтгүй WoPhone нэртэй Хятад үйлдлийн системийг зах зээлд нэвтрүүллээ. Unicom-ийн өрсөлдөгч China Mobile компани ч мөн Linux дээр суурилсан Ophone-ийг худалдаанд гаргаж эхлээд байна.

China Unicom компани дотоодын зах зээлийн бүтээгдэхүүнээ маш хямд үнээр худалдаалах бөгөөд гадаадын компаний үйлдлийн системтэй ямар ч холбоогүй учир дотоодын хөгжүүлэгдэд аппликэйшн боловсруулах давхар боломжийг олгож байгаа юм. China Unicom компани WoPhone-ийг боловсруулж, үйлдвэрлэлд нэвтрүүлэхийн тулд хэд хэдэн гар утас үйлдвэрлэгч компаниудтай хамтран ажилласан бөгөөд тэдгээрийн дотор ZTE, Huawei, TCL, HTC, Samsung, Motorola зэрэг компаниуд багтаж байгаа ажээ.