Хошин урлагийн “Маск” продакшны жүжигчин М.Баярмагнай удахгүй хоёр дахь бие даасан цомог гаргахаар ажиллаж байгаа хэмээн хэвлэлээр мэдээлж байгаа. Харин жүжигчин М.Баярмагнай энэ талаар хэлэхдээ “Одоогоор төлөвлөсөн зүйл алга л байна. Гэхдээ гаргана. Би чинь мэргэжлийн дуучин биш учир ойр ойрхон цомог гаргаж, дуучдыг ажилгүй болгоод яахав. Би харин одоо нэг кинонд гол дүр бүтээж байгаа. Мөн манай хамтлагийн шинэ тоглолтын бэлтгэл эхэлчихсэн завгүй л өнгөрүүлж байна шүү” хэмээн хэлэв.

“Маск” продакшны уран бүтээлчид ирэх сард шинэ тоглолт хийх гэж байгаа учир ийнхүү бэлтгэлдээ оржээ. Харин М.Баярмагнай одоогоор ямар кинонд тоглож байгаагаа нууцалж байгаа юм.