Их дээд сургуулийн оюутнууд,  ерөнхий боловсролын сургуулийн сурагчдын дунд НҮБ-ын тухай дэлгэрэнгүй мэдээ мэдээллийг авахыг хүссэн хүүхэд залуус цөөнгүй байдаг. Тиймээс НҮБ-ын Залуучуудын зөвлөх хороо Монгол  Улсын Үндэсний номын сан, Нацагдоржийн нэрэмжит Улаанбаатар хотын нийтийн ном сан, МУИС-ийн  төв номын сан, ХААИС-ийн номын сангуудад  НҮБ болон түүний төрөлжсөн байгууллагуудаас хэвлэн гаргадаг ном, судалгааны тайлан, сонин, сэтгүүл, товхимол, тайлан мэдээллүүдийг багтаасан НҮБ-ын төрөлжсөн “НОМЫН БУЛАН”  байгуулан  идэвхтэй ажиллаж байгаа аж.

Номын сангаар үйлчлүүлж буй  оюутан  залуучуудад  НҮБ-ын  төрөлжсөн байгууллагуудын мандатын хүрээ, үйл ажиллагаа, хөтөлбөр,  төслүүдийн талаарх дэлгэрэнгүй мэдээллүүд, мөн   НҮБ –тай холбоотой дэлхий нийтийн  бүхий л мэдээ мэдээлэлтэй танилцах боломжийг олгож байгаа гэнэ.