2014 онд хөлбөмбөгийн дэлхийн аварга шалгаруулах тэмцээнийг, түүний дараа 2016 онд олимпийн наадмыг зохион байгуулна гэдэг бразилчуудад их хэмжээний ашиг орлого авчирах болно гэж олон улсын компаниуд үзэж байна.
Хөлбөмбөгийн ДАШТ-нд бэлтгэх ажлын хүрээнд дэд бүтцээ хөгжүүлэх, хөрөнгө оруулалт хийхэд ирэх хоёр жилд 11 тэрбум ам.доллар зарцуулах болно гэж Бразил нэгдүгээр сард мэдэгдсэн. 2016 онд олимпийн наадмын эзэн хот болох Рио де Жанейрод ирэх гурван жилийн хугацаанд 90 тэрбум ам.долларын хөрөнгө оруулалт хийх бөгөөд үүнээс тэнгисийн хөлөг барих, гангийн үйлдвэрлэл, цөмийн эрчим хүч зэрэг салбаруудад зарцуулах болно гэж хотын захирагч Sergio Cabral “BBC” агентлагт өгсөн ярилцлагадаа хэлсэн байна.
Бразил дэд бүтэцдээ их хэмжээний хөрөнгө оруулалт хийх гэж байгаа нь олон улсын компаниудын анхаарлыг татаж байгаа юм. Тэр дундаа олон улсын санхүүгийн эрсдэлийг хариуцагч даатгалын компаниудын сонирхлыг татаж байгаа нь мэдээж юм. Даатгалын салбарт дэлхийд толгой цохидог “Swiss Re” компани мөн Бразилийн зах зээлийг сонирхож байгаагаа мэдэгдсэн байна. “Чилийн газар хөдлөлтөнд бид 500 орчим сая доллар зарцуулах болно. Газар хөдлөлт манай компанийн Өмнөд Америкийг сонирхох сонирхолд саад болохгүй”  гэж мэдэгдсэн тус компаний дэлхий даяарх дахин даатгалын ханш энэ оны нэгдүгээр сард шинэчлэгдэн зургаан хувь болсон байгаа аж.

Т.Бадрах