Америкийн “Террафужиа” компани цагт 184 км хурдлах чадалтай нисдэг машин бүтээсэн тухай “Telegraph” мэдээлэв. 8.4 метрийн урттай уг машин цагт 18.5 литр бензин зарцуулдаг аж. “Террафужиа” нисдэг машиныг 150 мянган еврогоор худалдах бөгөөд Их Британид туршиж байгаа юм байна.

Нисдэг машин бүтээх оролдлого 1930 оноос үүдэлтэй ч энэ машин хамгийн энгийн ажиллагаатайн дээр хамгийн хямд өртөгтэй нь юм. Энэ нь “Rolls Royce”-ийн “Phantom” загварын машинаас ч хямдхан бөгөөд Европын нисэх хүчний агентлагаас зөвшөөрөл аваад буй.