Энэ жил Өмнөговь, Өвөрхангай, Хөвсгөл, Ховд. Сэлэнгэ, Дорнод, Дорноговь аймгийн 80, Баянхонгор, Дундговь аймгийн 70, Дархан-Уул аймгийн 50, Говьсүмбэр аймгийн 20 жилийн ойн баяр тус тус тохиож байгаа. Сүхбаатар, Завхан, Булган, Говь-Алтай, Орхон, Баян-Өлгий,Төв, Архангай, Хэнтий аймгууд баяр наадмаа тэмдэглэчихсэн. Харин одоо үлдсэн аймгуудын болон бүсийн наадмууд зохиогдоно. Долдугаар сарын 22-23 нд Дархан-Уул, Хөвсгөл, Өмнөговь, Сэлэнгэ аймгийн наадам болох бол 28-30-нд Дундговь, 29, 30-нд Баянхонгор, Говьсүмбэр, Дорноговь, Дорнод, Увс, Ховд, Өвөрхангайчууд наадамлана. Дорноговийн наадам нь Говийн бүсийн даншигтай давхцах бол Баруун бүсийн даншгийг Увс аймгийн наадамтай хамтатгаж хийнэ. Харин Зүүн бүсийн наадам Дорнодын наадамтай хамт болох ажээ.