Өнгөрсөн онд Сэлэнгэчүүд зам засварын ажилд түлхүү анхаарч, улсын болон орон нутгийн төсвийн хөрөнгөөр  олон замыг  засч, сайжрууллаа. Улсын төсвийн   1,54 тэрбум төгрөгийн хөрөнгөөр  Сүхбаатар сумын 1, 3, 5 дугаар багт  6,7 км урттай авто замын ажлыг бүрэн  хийж дуусгаснаас  гадна  аймгийн төв замын хагарч  эвдэрсэн  хэсгүүдийг нөхөх ажлыг хийсэн байна.  Мөн  Сайхан,  Мандал  суманд  орон   нутгийн төсвийн  хөрөнгөөр  1,5-1,7  км авто  замыг  шинээр  бетонон  хучилттай  болгожээ.