УИХ-ын эрхэм гишүүд хуулийн төсөл боловсруулж, тэр нь батлагдсан тохиолдолд хууль тус бүрт 20 сая төгрөгийг улсын төсвөөс гаргуулдаг болох гэж байна. Тэр мөнгөөр сайн хуульчдыг хөлсөлж хуулийн төсөл хийлгээд гишүүд өөрийн нэр дээр өргөн барьж байх учиртай. Ирэх хаврын чуулганаас энэ зарчмыг мөрдөх ажээ. УИХ-ын Тамгын газраас гишүүдэд хаврын чуулганы үеэр боловсруулах хуулийн төслийн нэр, шаардагдах төсвийг гаргаж өгөхийг даалгасан албан бичиг илгээгээд байна.

Нэг чуулганы хугацаанд дунджаар 30 хууль, тогтоол баталдаг. Ирэх хаврын чуулганаар хэлэлцэх асуудлын жагсаалтад 28 хуулийн төслийг багтаагаад байгаа. Хэрэв дунджаар 30 хууль хэлэлцэж батална гэж үзвэл нэг чуулганы хугацаанд 600 сая төгрөгийг улсын нэгдсэн төсвөөс гаргах ажээ.

                                    Д.ОЮУН