Төрийн ордны А танхимд 10.00 цагаас Монгол-Хятадын Засгийн газар хоорондын хэлэлцээр эхэлж байна. БНХАУ-ын Төрийн зөвлөлийн гишүүн, Нийгмийг аюулаас хамгаалахын сайд Мэн Зяньжу Монгол Улсын Хууль зүй, дотоод хэргийн сайд Ц.Нямдорж нар уулзаж хэлэлцээр хийж байгаа юм. Түүний дараа  10.50-д Их танхимын фойед байрлах туурган хивсний өмнө хоёр сайд Монгол Улсын Засгийн газар, БНХАУ-ын Засгийн газар хооронд Гэмт хэрэгтэй тэмцэх талаар хамтран ажиллах хэлэлцээрт гарын үсэг зурах ёслол болох аж.

БНХАУ-ын Нийгмийг аюулаас хамгаалах яамнаас Монгол Улсын Хууль зүй, дотоод хэргийн салбарт таван сая юанийн буцалтгүй тусламж үзүүлэх нот бичиг солилцох ёслолын арга хэмжээ энэ үеэр болох юм байна.