Өвөрхангай аймаг дахь Худалдаа, аж үйлдвэрийн танхимын 10 жилийн ой энэ онд тохиож байгаа аж. Ойгоо угтан олон арга хэмжээ төлөвлөсний хүрээнд “Бизнесийг дэмжих боломжууд” нэгдсэн мэдээллийн өдөрлөгийг өнгөрсөн амралтын өдрүүдэд зохион байгууллаа. Өдөрлөгт төрийн болон төрийн бус байгууллага, банк санхүүгийн байгууллагууд оролцож бизнес эрхлэгчдэд нэг дороос мэдээлэл өгснөөс гадна тулгамдаж буй асуудлын гарц, хэрхэн шийдвэрлэх талаар харилцан санал солилцлоо.