Олон улсын валютын сангийн тэргүүн асан Доминик Стросс Каны эсрэг хэргийг хэрэгсэхгүй болгож, өчигдөр гэрийн хорионоос гаргасан тухай reuters агентлаг мэдээлжээ.

Шүүх хурлын дараа 62 настай Стросс Кан эхнэр Энн Синклерийн хамт инээмсэглэн гарч ирж буй зургийг нийтэлсэн байна.

Тэрбээр өөрт нь тулгасан хүчингийн хэргийг эртнээс төлөвлөсөн зохион байгуулалттай хэрэг хэмээн мэдэгдэж, өөрийгөө гэм буруугүй гэж мэдүүлэг өгсөөр байсан юм.

Түүнийг Францын ерөнхийлөгчийн сонгуульд өрсөлдөх чухал нэр дэвшигчдийн нэг байсан хэмээн үздэг ба Францын ерөнхийлөгч Николя Саркози хамгийн хүчтэй өрсөлдөгчөө дарж авлаа хэмээн зарим хэвлэлээр бичиж байсан юм.