Facebook коммент буюу сэтгэгдэл үлдээх залгаас програмаа шинэчилжээ, Шинэчлэлийн хүрээнд Facebook-ийн хэрэглэгчид өөрийн нэрээр сэтгэгдлээ үлдээх боломжтой болсон байна. Facebook-ийн коммент үлдээдэг залгаас програмыг ашигладаг олон вебсайтууд байдаг бөгөөд залгаас програмыг шинэчилснээр бусад сайтуудын мэдээ мэдээлэл дээр бичсэн сэтгэгдлээ хэрэглэгчид өөрийн Facebook профайл дээр давхар оруулах боломжтой болсон байна. Энэ нь таны найзууд тодорхой сэдвийн талаарх таны сэтгэгдлийг унших боломжтой гэсэн үг юм.

 Өмнө нь хэрэглэгчид байнга нууц нэрээр коммент үлдээдэг бичигдээгүй хуулийг халж, өөрийн нэрээр коммент үлдээх шинэ дэгийг бий болгосон нь цоо шинэ сонирхолтой санаачилга болжээ. Ихэнх тохиолдолд мэдээ, мэдээллийн нийтлэлч нь сэтгэгдэл үлдээх системийг мэдрэгчтэй хийдэг бөгөөд мэдээлэл, нийтлэлчийн үзэл бодолд харшилсан  үг хэллэгүүдийг болон зарим хэрэглэгчдийн сэтгэгдлийг бүхэлд нь автоматаар хаадаг.