УБЕГ-аас Англи
улс болоод Швейцарийн Женев хотод ажиллаж амьдарч буй монгол иргэдийг  шинэчилсэн бүртгэлд  хамруулах ажлыг  эхэлжээ. Шинэчилсэн
бүртгэлийн ажлыг  дээрх улсуудад эхлүүлэхтэй холбогдуулан Улсын бүртгэлийн ерөнхий газрын холбогдох  баг бүрэлдэхүүн Англи улсад суугаа Монгол Улсын Элчин сайдын
яаманд ажиллаж байгаа аж. Хилийн
чанадад сууж буй иргэдийг бүртгэх Иргэний шинэчилсэн
бүртгэлийн ажлыг эхний
ээлжинд монголчууд олноор амьдардаг 30 гаруй улсад хийхээр төлөвлөсний дагуу БНСУ,
Вашингтон,  АНУ, Тайланд, Сингапур, Лаос,
Австри, Чех, Вьетнам, Тайпэй, БНХАУ, Энэтхэг, ОХУ, Казахстан, Польш, Берлин,
Унгар Түрк, Болгар, Швед, Бельги, Франц зэрэг улсуудад тус тус эхлүүлээд байгаа юм. Одоогийн
байдлаар 23 улсын нийт 9000
гаруй  иргэн хамрагдаад байна.  

БНСУ-д өнгөрөгч гуравдугаар сард эхэлсэн бүртгэлд 6000 гаруй иргэн хамрагдсаны 5000 орчим
иргэний мэдээлэл баталгаажиж, Хөдөлмөр халамж үйлчилгээний газарт нэр нь ирээд байна. Харин Монгол Улсын нутаг дэвсгэр дээр
явагдаж буй иргэний шинэчилсэн бүртгэлд өнөөдрийн байдлаар улсын
хэмжээнд 16-аас дээш насны нийт бүртгэгдвэл зохих 1889774
иргэний 1832148 иргэн буюу 97 хувь нь хамрагдсан бол 16-аас доош насны нийт бүртгэгдвэл зохих 799132 иргэний 767224  буюу 96  хувь нь эцэг, эх, асран хамгаалагч дээрээ бүртгэлд хамрагджээ.

ХИЛИЙН ЧАНАДАД АЖИЛЛАЖ, АМЬДАРЧ БАЙГАА МОНГОЛ УЛСЫН
ИРГЭДИЙГ ИРГЭНИЙ ШИНЭЧИЛСЭН БҮРТГЭЛД БҮРТГЭХ БҮРТГЭЛИЙН ХУВААРЬ

С.Отгон