УИХ-ын чуулганы
баасан гаригийн хуралдааныг 18.20 цагт өндөрлүүлээ. Чуулганыг завсарлуулахын өмнө Хот суурины ус хангамж, ариутгах татуургын
ашиглалтын тухай хуулийн шинэчилсэн найруулгын төслийн анхны
хэлэлцүүлгийг хийж,   40 орчим саналын томъёоллоор санал хураалгалаа. Өмнө нь УИХ эл төслийг
боловсруулалт муу байна гэж үзэж, Засгийн
газарт буцааж байсан аж. Гэвч  өмнөхөөсөө сайжирсан юм бага байна гэдгийг УИХ-ын
дарга санал хураалтын шатанд анхааруулж, Эдийн засгийн байнгын хорооны гишүүдэд хандан
энэхүү төслийн эцсийн хэлэлцүүлгийг сайтар хийхийг онцлон захисан юм.  Ингээд энэхүү төслийг тус байнгын хороонд шилжүүлэв. Харин үүний өмнө Төрийн албаны тухай
хуульд өөрчлөлт оруулах тухай хуулийн төсөл, Цалингийн хэмжээг тогтоох тухай итгэлцүүр батлах
тухай тогтоолын төслийг  анхны хэлэлцүүлгээр нь баталж, Эрүүгийн хуульд
нэмэлт, өөрчлөлт
оруулах тухай хуулийн төсөл болон түүнтэй холбогдох хуулийн төслүүдийг хэлэлцээд “Хэлэлцэх нь зүйтэй” хэмээн үзэж, анхны хэлэлцүүлэгт бэлтгүүлэхээр Хууль зүйн байнгын хороонд
шилжүүлсэн юм.

Г.Дарь