Монголын үйлдвэрчний эвлэлүүдийн холбооны ээлжит хурал хоёр өдөр үргэлжилж өчигдөр өндөрлөв. Дөрвөн жилд нэг удаа болдог тус байгууллагын их хурлаар өнгөрсөн хугацаанд гүйцэтгэсэн ажлаа тайлагнахын дээр ирэх дөрвөн жилд хийх ажлуудаа төлөвлөдөг журамтай. МҮЭХ-ны XXIII их хуралд хот хөдөөгийн 230 төлөөлөгч оролцсон бөгөөд тэд өчигдөр нууц санал хураалтаар байгууллагынхаа ерөнхийлөгчийг сонголоо. Энэхүү сонгуульд өнгөрсөн дөрвөн жил тус байгууллагыг удирдсан С.Ганбаатар өрсөлдөгчгүйгээр ялжээ.