Ингэхдээ 4 дүгээр сарын 21-ны өдрөөс жижиглэн худалдаалах үнийг 100-200 төгрөгөөр буулгаж 4 дүгээр сарын 22-ны өдрөөс эхлэн үхрийн махыг 3300 төгрөг, хонины махыг 2900 төгрөг, ямааны махыг 2300 төгрөгөөр, түүнчлэн 5 дугаар сарын 25-ны өдрийн хурлаар нэр төрөл бүрийг 300 төгрөгөөр буулгаж 5 дугаар сарын 27-ны өдрөөс эхлэн үхрийн махыг 3000 төгрөгөөр, хонины махыг 2600 төгрөгөөр, ямааны махыг 2000 төгрөгөөр худалдаалж эхлэв.
Энэ хугацаанд 1-р сард 1648 тн, 2-р сард 973,1 тн, 3-р сард 1566,17 тн, 4-р сард 2174,57 тн, 5- сард 4362,11 тн, 6-р сарын 14-ны өдрийн байдлаар 926,516 тн нийт 11650,518 тн нөөцийн мах, үүнээс үхрийн мах 2782,161 тн, хонины мах 6368,355 тн, ямааны мах 2511,375 тн борлогдоод байна. Энэ нь нийт бэлтгэсэн махны 97,07%-ийг эзэлж байна.
Нийслэлийн иргэдийн хэрэгцээ шаардлагад үндэслэн Улаанбаатар хотын Захирагчийн ажлын албаны Хүнс, худалдаа, үйлчилгээний хэлтэс, Монголын махны холбоо хамтран 4 сараас эхлэн сар бүр махны өргөтгөсөн худалдааг 6 дүүргийн нийт 31 цэгээр явуулын болон байнгын худалдаа зохион байгуулж 4-р сард 224,1 тн, 5-р сард 263,45 тн, 6-р сард 202,505 тн нийт 720,055 тн нөөцийн махыг гулуузаар худалдаалжээ.
2011 оны 6-р сарын 3-р долоо хоногт зах зээл дээр хонины ястай 1 кг зоорины махыг дунджаар 2950 төгрөг, шинэ махыг дунджаар 4040 төгрөгөөр, үхрийн ястай 1 кг зоорины махыг дунджаар 4275 төгрөг, шинэ махыг дунджаар 4730 төгрөгөөр, ямааны ястай 1 кг зоорины махыг дунджаар 2800 төгрөг, шинэ махыг дунджаар 3025 төгрөгөөр худалдаалж байна. Мөн хонины цул 1 кг махыг дунджаар 3775 төгрөг, үхрийн цул 1 кг махыг дунджаар 5400 төгрөгөөр худалдаалж байна.
Өнөөдрийн байдлаар зах зээл дээр худалдаалагдаж байгаа үхрийн шинэ махнаас үхрийн зоорины махны үнэ 1275-1730 төгрөгөөр, хонины шинэ махнаас хонины зоорины мах 350-1440 төгрөгөөр, ямааны шинэ махнаас ямааны зоорины мах 800-1025 төгрөгөөр хямд байгаа юм.
2011 оны 4, 5, 6 сарын зах зээл дээрх махны үнийг өнгөрсөн оны тус саруудтай харьцуулж үзвэл 10,7-32%-иар доогуур байгаа нь нөөцийн мах үүргээ биелүүлж зах зээл дээрх махны үнийг барьж чадсан болохыг харуулж байна.