Монгол Улсын Ерөнхийлөгч Ц.Элбэгдорж төрийн тахилгат Отгонтэнгэр хайрханы тахилгад оролцсоныхоо дараа өнөөдөр өглөө Говь-Алтай аймгийн Тонхил сумын нутаг дахь Сутай хайрханы тахилгад оролцож үг хэлсэн юм. Тэрбээр Говь-Алтай аймгаас нийслэл рүү онгоцоор нисч үдээс хойш ирэх ёстой байжээ. Түүний онгоц хуваарийн дагуу 15.45 цагт Улаанбаатарт газардах ёстой байсан ч одоо хэр нь Есөнбулаг сумаас хөөрөөгүй байна. Ерөнхийлөгчийн онгоц техникийн шалтгаанаар түр саатаад байгаа гэж тахилгад оролцохоор явсан хүмүүстэй холбоо барихад хэлж байлаа. Ерөнхийлөгч оройдоо нийслэлд ирэх бололтой.