Монгол Улсын зууны манлай бүтээн байгуулалт, номер нэг аж ахуйн нэгж-“Эрдэнэт” үйлдвэрийг “ЕВРОПЫН БИЗНЕС АССАМБЛЕЙ” олон улсын байгууллагаас зарладаг дэлхийн нэр хүндтэй шагнал болох “2010 оны шилдэг аж ахуйн нэгж”-ээр шалгаруулсан байна.

Энэхүү шагналыг 2011 оны гуравдугаар сарын 02-нд Лондон хотноо болох “Уул уурхай, эрчим хүчний сайд нарын олон улсын зөвлөлгөөн”-ий үеэр тус үйлдвэрийн төлөөлөгчдөд гардуулах аж.

 Мөн оны шилдэг аж ахуйн нэгжээр шалгарсан байгууллагын удирдлагыг “ЕВРОПЫН БИЗНЕС АССАМБЛЭЙ”-гээс шилдэг менежерээр шалгаруулдаг.  Үүнтэй холбогдуулан “Эрдэнэт үйлдвэр” ХХК-ийн Ерөнхий захирал Ч.Ганзориг “2010 оны шилдэг менежер”-ийн шагналыг тус байгууллагаас мөн хүртэхээр болж байгаа юм байна. Дээрх шагналыг гардан авахаар “Эрдэнэт үйлдвэр” ХХК-ийн төлөөлөгчид Лондонг зорьжээ.