Йемений нийслэл Сана хотын хойд дүүрэгт сөрөг хүчний овгийн 100 гаруй зэвсэгт босогч  болон Засгийн газрын аюулгүйн хүчнийхний хооронд зэвсэгт мөргөлдөөн гарчээ. Сөрөг хүчний  томоохон хөдөлгөөний  удирдагч Шейх Садик аль-Ахмарыг дэмжигч олон зуун босогчид хотод ирсээр байгаа гэнэ.  Харин энэ үеэр 

Ерөнхийлөгч Али Абдалла Салехын  Засгийн газрын аюулгүйн хүчнийхэн босогчид руу гал нээсэн байна. Йемений төрийг 33 жил удирдсан Ерөнхийлөгч Али Абдалла Салех албан тушаалаасаа огцрохоос татгалзсанаас  тус улсад өнгөрсөн хоёрдугаар сараас эсэргүүцлийн хөдөлгөөн гарч, босогчид болон Засгийн газрын цэргийнхний хоорондох  мөргөлдөөнд  хэдэн зуун энгийн номхон иргэд амиа алдсан байна.