Байгаль орчинг сүйтгэж, малчдыг эрхийг ноцтой зөрчиж буй уул уурхайн компаниудын үйл ажиллагааг эсэргүүцэн Өвөрмонголчууд, үндэсний үзэлтэй бүлгэмийнхэн өчигдөр жагссан юм. Тэд өнөөдөр БНХАУ-ын Элчин сайдын яамны гадаа дахин жагсахаа мэдэгдэж байсан ч жагсаал болсонгүй. Ямар шалтгаанаар жагсаал зохион байгуулаагүй нь тодорхойгүй байна. Одоогоор Өвөрмонголд эсэргүүцлийн жагсаал үргэлжилсээр байгаа аж. Цагдаагийнхан жагсаалыг дарахын тулд малчдыг цагдан хорьсоор байгаа гэнэ.