Хуучнаар Ялалтын талбай буюу “Тэнгис” кино театрын зүүн талыг засварлан, өөрчилсөн “Тусгаар тогтнолын талбай”-н нээлт ирэх зургадугаар сарын 5-нд болох ажээ. Өнгөрсөн оны зургадугаар сард уг талбайн тохижилтын ажлыг эхлүүлж байсан бол өнөөдрийн байдлаар ийм дүр зурагтай болсон байна. Талбайн голд суурилуулсан энэхүү гэрэлт хөшөө нь есөн хөлт цагаан туг, гал, нар, сар зэрэг тусгаар тогтнолын билэгдлийг агуулжээ. Түүнчлэн уг талбайд тус бүр нь 50 ширхэг  хошуу бүхий усан оргилуур хоёрыг байгуулж байгаа гэнэ.

Үндэсний эрх чөлөөний хувьсгал ялсны 100 жил, Ардын хувьсгалын 90 жилийн ойд зориулан Ялалтын талбайг “Тусгаар тогтнолын талбай” болгох ажлыг Хотын дарга Г.Мөнхбаяр санаачилсан юм.