Британийн Гадаад хэрэг, хамтын нөхөрлөлийн яамны төрийн сайд Жереми Браун энэ сарын 29-31-нд Улаанбаатар хотноо айлчлахдаа Англид хоригдож буй Үндэсний аюулгүй байдлын зөвлөлийн ажлын албаны дарга Б.Хурцын талаар мэдэгдэл хийнэ гэх мэдээлэл зарим хэвлэлд гарсан юм.Энэ талаар Гадаад харилцааны дэд сайд, Б.Хурцын хэргийн ажлын хэсгийн ахлагч Б.Болороос тодруулахад, “Жереми Браун Монгол Улсад ирэхээ мэдэгдсэн ч бид хариу өгөөгүй байгаа. Б.Хурцын хэрэгт Британийн Гадаад хэрэг, хамтын нөхөрлөлийн яамны төрийн сайд ямар ч холбоогүй. Тиймээс мэдэгдэл хийнэ гэдэг ташаа мэдээлэл” гэсэн юм.
С.Отгон
