АНУ-ын тэрбумтан бизнесийн магнат Дональд Трамп 2012 оны ерөнхийлөгчийн сонгуульд нэрээ дэвшүүлэхгүй гэдгээ мэдэгдсэн байна. Үл хөдлөх хөрөнгийн  салбарт асар их амжилт олсон мань эр энэ салбарыг орхиход бэлэн биш гэнэ. Түүний  "Бизнес бол миний хамгийн том шунал” гэж хэлсэн нь өөрийг нь ерөнхийлөгчийн ирэх сонгуульд өрсөлдөнө гэж найдаж байсан хүмүүст хариулт болжээ. 

Хэвлэлийнхэн түүнийг  ерөнхийлөгч болох рейтинг өндөртэй хүнээр шалгаруулаад байсан юм. Тэрбээр даваа гаригт мэдэгдэл хийхдээ өөрийгөө  “Улс төрд зүтгэж, сэтгэлээ хоёрдуулж чадахгүй хүн” гэжээ.  Гэвч Нью Йоркийн бизнесмен эр өмнөх сонгуулийн үеэр Нью Хемпшир зэрэг мужуудаар аялж, компанит ажил зохиож байжээ. Өнгөрсөн сард АНУ-ын ерөнхийлөгч Барак Обама тус улсын иргэн биш гэдэг цуу яриа гарсны дараа Дональд Трамп ерөнхийлөгчөөс төрсний гэрчилгээнийх нь хуулбарыг шаардсан юм байна. Ерөнхийлөгч эцэст нь түүнд төрсний гэрчилгээнийхээ хуулбарыг илгээсэн ажээ.

Дональд Трампийн хувийн амьдралын талаарх хов жив Нью Йоркийн шар сонинуудаас  сүүлийн хорин жил тасраагүй гэдэг.