Урлагийн Гавьяат зүтгэлтэн, хөгжмийн зохиолч Ч.Сангидоржийн охин, төгөлдөр хуурч С.Саянцэцэг нөхөр Ричардынхаа хамт ирэх сарын 18-нд Испанид “Beyond Musica” мастер класс фестиваль зохион байгуулах гэж байна. Тэрбээр энэхүү фестивалийг хоёр дахь жилдээ зохион байгуулах гэж буй нь энэ. Энэ удаад тус наадам ес хоног үргэлжлэх бөгөөд төгөлдөр хуурч мэргэжлээр сурч буй Монгол оюутан залуус, залуу хөгжимчдийг урилгаар оролцуулах аж.

Алдарт Карнегийн театрт тоглосон анхны монгол хөгжимчин С.Саянцэцэг өнгөрсөн онд эх орондоо бие даасан тоглолтоо хийсэн билээ.