Энэ жил Монгол-Оросын хооронд дипломат харилцаа тогтоосны 90 жилийн ой тохиож байна. Түүний хүрээнд умард хөрш дэх ууган консулын газар болох Эрхүү дэх ерөнхий консулын газрын 40 жилийн ойг сая тэмдэглэн өнгөрүүллээ. Уг арга хэмжээнд Парламентын сэтгүүлчдийн холбооны сэтгүүлчдээс бүрдсэн баг оролцож сурвалжилсан юм. Эрхүү дэх Ерөнхий консулын газрыг толгойлж байсан үе үеийн дипломатчид болох Ч.Баатар, Б.Дагва, А.Базархүү, Ч.Даваадаш нар удирдаж байсан байгууллагынхаа ойд  урилгаар оролцлоо.

Эрхүү хотод монгол оюутан сургаж эхэлсний 85 жилийн ойд зориулсан арга хэмжээнүүд, Монголын сэдвээр бүтээл туурвисан орос зураачдын үзэсгэлэн, “Торго шоу” зэрэг арга хэмжээ энэ үеэр болсон юм. Ерөнхий консул А.Баатарцогт тэргүүтэй энэ цомхон хамт олон дөчин жилийн ойнхоо үеэр хүндэтгэлийн Монгол өргөө барьж, өргөөний өрхийг татаж үүд тэгшлэх ёслол хийн Монгол төрийнгол  шүтээн болох Очирваань бурхныг аравнайлж шүншиглэн залах ёслол үйлдлээ. Мөн удахгүй зочид буудал барьж ашиглалтад оруулах юм байна.