Голландын Эммелорд хотноо үргэлжилж буй 100 буудалт даамын дэлхийн аварга шалгаруулах тэмцээний дөрөв дэх өргийн тоглолтууд өчигдөр боллоо. Дэлхийн шилдэг 20 даамчин тойргоор тоглож, аваргаа тодруулах тус тэмцээний дөрөвдүгээр өрөгт их мастер Д.Эрдэнэбилэг Узбекистаны тамирчин Алишер Артыковтой цагаанаар нүүж, хожсон байна. Ингэснээр дөрвөн тавилын дараах байдлаар Азийн дөрвөн удаагийн аварга Д.Эрдэнэбилэг 6.0 оноотой болж, тэргүүлэгчийн байраа хадгалж үлдлээ.

Дэлхийн аваргын тав дахь өргийн тоглолтууд өнөөдөр болох бөгөөд Д.Эрдэнэбилэг Европын аварга, дэлхийн дэд аварга, Германы их мастер Вадим Вирныйтэй хараар тоглоно.