Хятадын санхүүгийн мэдээллийн агентлагыг үндэслэгч гурван этгээд луйврын хэргээр АНУ-ын шүүхэд татагджээ. “Xinhua Finance”-ыг үндэслэгч Шелли Сингал, Лоретта Буш, Деннис Пелито нар 50 сая ам.доллар хууль бусаар шилжүүлсэн хэргээр шалгуулж байгаа ажээ. Шанхайд төвтэй “Xinhua Finance” компани Токиогийн хөрөнгийн биржид бүртгэлтэй юм байна.

“Xinhua Finance” Хятадын эдийн засаг, бизнесийн тухай мэдээлдэг байжээ. АНУ-ын Холбооны шүүхийн дээд шүүгчид тэднийг хэрэгт холбоотойг нотлох баримт хангалттай бий гэж албаны эх сурвалж мэдээлжээ. “Xinhua Finance”-ын хэвлэлийн төлөөлөгч энэ хэргээр тайлбар өгөхөөс татгалзаж хэрэгт холбогдсон хүмүүс тус компанид хамааралгүй гэжээ. Лоретта Буш “Xinhua Finance”-ын үндэслэгч,  Шелли Сингал санхүүгийн албаны дарга байжээ.