Цаг агаарын нөхцөл байдлаас шалтгаалан саатаад байсан орон нутгийн өнөөдрийн нислэгүүдийг хуваарийн дагуу явуулж эхэлжээ.

Тухайлбал, "Аэро Монголиа" компанийн 10:30 цагт Улаанбаатараас Баян-Өлгийн чиглэлд хөөрөх байсан нислэг 15:00 цагт “Чингис хаан” нисэх онгоцны буудлаас нислэг үйлдсэн байна. Түүнчлэн “Eznis airways” компанийн 16:00 цагаас хойшхи  орон нутгийн хуваарьт нислэгүүд хуваарийн дагуу хөөрнө гэдгийн тус нисэх онгоцны буудлын ээлжийн лавлах оператор мэдээллээ.