Үндэсний төв номын санд өнөөдөр Монголд улс төрийн нам байгуулагдсаны 90 жилийн ойд зориулсан “Номын үзэсгэлэн” дэлгэгдлээ. Үзэсгэлэнгийн үеэр улс төрийн намуудаас номын санд “Номын хандив” өргөх үйл ажиллагаа зохион байгуулахаас гадна уран бичлэгийн үзүүлбэр, БСШУЯ, Монголын Үндэсний номын сан, Дэлхийн банкны хамтарсан “Явуулын номын сан”-гийн нээлтийг хийх ажээ. Мөн түүнчлэн Ардын уран зохиолчид, уншигчдын уулзалт, номын дуудлага худалдаа зэрэг арга хэмжээ болох юм байна.