Үндэсний спортын наадам үргэлжилж байна | News.MN

Үндэсний спортын наадам үргэлжилж байна

Хуучирсан мэдээ: 2010.04.09-нд нийтлэгдсэн

Үндэсний спортын наадам үргэлжилж байна

Гуравдугаар сарын 22-нд нээлтээ хийсэн Үндэсний спортын дөрөвдүгээр их наадам үргэлжилж байна. Наадмын нэгдүгээр шатны тэмцээнүүдийг өнгөрсөн нэгдүгээр сарын 5-9-ний өдрүүдэд анхан шатны нэгж байгууллага, сум болон дүүргийн хэмжээнд явуулсан бол аймгийн  хэмжээнд анхан шатны нэгж байгууллага, сумаас шалгарсан баг тамирчид ирэх тавдугаар сарын 9-нөөс зургадугаар сарын 13-ны өдрүүдэд хоёрдугаар шатны шалгаруулалт болох юм. Харин гуравдугаар шат буюу үндэсний хэмжээнд зохион байгуулах шигшээ наадмыг ирэх зургадугаар сарын 02-27-ны өдрүүдэд явуулах юм.
Их наадмыг зохион байгуулах үндэсний хороог Эрүүл мэндийн дэд сайд Ж.Цолмон  ахалж байгаа.  Түүнчлэн 1, 2-р шатны наадмыг сум, аймаг, дүүргийн засаг даргын захирамжаар томилогдсон салбар комисс, орон нутгийн Биеийн тамир, спортын газар, шүүгчдийн зөвлөл, салбар спортын холбоод, аж ахуйн нэг байгууллагууд хамтран явуулж байгаа бол 3-р шат буюу шигшээ наадмыг Зохион байгуулах үндэсний хороо, Засгийн газрын хэрэгжүүлэгч агентлаг, Биеийн тамир, спортын газар, спортын холбоод, шүүгчдийн зөвлөл удирдах юм. Гурван үе шаттай зохион байгуулж буй наадмын хаалтын ажиллагаа ирэх зургадугаар сард болно.
Б.Энх

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж