Азербайжаны нийслэл Баку хотноо IJF-ийн Гран-при тэмцээнд зодоглож буй
Ч.Болдбаатар, М.Уранцэцэг нар ээлжит учраагаа ялснаар хүрэл медалийн
болзол хангалаа. Эрэгтэйчүүдийн 60 кг-ын жинд Ч.Болдбаатар хүрэл
медалийн төлөөх барилдаанд Канадын бөх Сергио Пессоаг вазари үнэлгээгээр
ялсан бөгөөд одоо мөнгөн медалийн төлөө Украйны Георгий Зантараятай хүч
үзнэ. Харин М.Уранцэцэгийн тухайд 48 кг-ын жинд Туркийн бөхийг цэвэр
ялснаар хүрэл медалийн болзол хангажээ. Одоо тэрбээр мөнгөн медалийн
төлөө Биргит Энтетэй барилдана.