Хэдхэн хоногийн өмнө насанд хүрэгчдийн улсын аварга шалгаруулах тэмцээнээ нээлттэй хэлбэрээр зохион байгуулсан Монголын чөлөөт бөхийн холбоо залуучуудын улсын аваргыг зохион байгуулах гэж байна. Холбооны 2011 оны тэмцээн, уралдааны календарчилсан төлөвлөгөөнд тусгасны дагуу залуучуудын улсын аварга шалгаруулах тэмцээн энэ сарын 7-8-нд Буянт-Ухаа дахь Спортын шинэ ордонд болох юм.  Одоогоор тэмцээнд оролцох баг тамирчдын мэдүүлгийг авч эхлээд байна.