Microsoft  компани Research in Motion компанитай түншийн гэрээ байгуулсан тухай Bing Search Blog мэдээлэв. Гэрээний дагуу Microsoft-ийн хайлтын Bing болон Bing Maps  үйлчилгээ BlackBerry үйлдлийн системд орох юм.

Bing болон Bing Maps үйлчилгээтэй анхны BlackBerry бүтээгдэхүүнүүд энэ оны зун худалдаанд гарах бөгөөд эхний ээлжинд Playbook планшет байх аж. Research in Motion өөрийн газрын зурагны үйлчилгээг BlackBerry Maps гэж нэрлэхээр төлөвлөж байна.

Хоёр компанийн хамтын ажиллагааг Microsoft  компанийн Гүйцэтгэх Захирал Стив Балмер Орланда хотод болсон BlackBerry World чуулганы үеэр зарласан. Тэрээр Microsoft  компани BlackBerry-д хөрөнгө оруулна гэж мэдэгджээ. Гэхдээ чухам ямар хэлбэрээр хөрөнгө оруулахаа тодруулаагүй аж.