Бүсгүй та нүүрээ будах гэж толины  өмнө хамаг цагаа барах хэрэггүй боллоо. Хэдхэн хормын дотор нүүрээ будах аргыг танд дэлгэх гэж байна.

Олон жил туршигдсан гоо сайхны аргыг сана. Хамгийн чухал будалт бол нүд. Таны нүд хамгийн гоё гэдэгт итгэ. Эхээс заяасан энэ гоо сайхнаа жаахан л тордоод өг.  Дээд зовхио шингэн контураар хүрээлж, сормуусаа буд. Будахаасаа өмнө сормуусаа норговол будаг сайн тогтдог. Дэрвэгэр сормуустай бүсгүй хэзээд  хараа булаасаар ирсэн.  
Хоёр дахь алхам бол хумсаа буд. Таны дэгжин, эмэгтэйлэг шинжийг тодотгож байдаг зүйл бол засаж будсан хумс. Хэтэрхий урт байх нь яав ч зохимжгүй. Хумсаа янзлах нь танаас их цаг шаардахгүй. Та хумсны саа гар дороо бэлэн байлгах хэрэгтэй. Үүнийгээ өнгөгүй лактай  хамт түрхэхэд л болно.

Зовхиндоо тен түрхэх нь таны тухайн өдрийг хэрхэн мэдэрч хүлээж авч байгаагийн шинж. Гүн хөх, хар, эсвэл ногоон өнгийн тен хэрэглэж нүдээрээ ямар ч драм зохиож болно.

Уруул бол бүсгүйн хүслийн илэрхийлэл. Хамгийн гайхалтай make up. Та зөвхөн уруулаа гайхалтай будсан байхад нүүрээ будах шаардлагагүй болно. Танд дор хаяж  гурван өөр өнгийн уруулын будаг байх хэрэгтэй. Өөрийн царай зүснийхээ онцлогт тохирох уруулын будгыг олж мэд. Уруулаа будаагүй эмэгтэй хүн бол эмэгтэй биш гэдэг үг байдаг.
Одоо үсээ янзлах л үлдлээ. Таны үс урт богино, хүрэн, хар ямар ч бай  хамаагүй хөвсгөр, бас намирсан байх нь чухал. Хэрхэн өөрчилж янзлах нь таны уран сэтгэмжээс л шалтгаална. Үсээ янзлаагүй үед ч гайхалтай харагдах талаас нь олж хар. Танд үс самнах, сүлжих,  боох, хавчих, ороох, индүүдэх асар их туршлага бий. Зөвхөн нэг хэв загварт баригдахаас л зайлсхийх хэрэгтэй. Харин одоо өөрийгөө толинд хар даа. Маш хурдан, гайхалтай будалт байгаа биз.

Бэлтгэсэн Н.Энхээ