Элсэлтийн шалгалтыг нээлттэй, шударга болгох үүднээс 100 мянган даалгавар бэлтгэж гаргахаар болжээ.  Даалгаврыг кодлоод санамсаргүй сонгож, сонгогдсон тестээр элсэлтийн ерөнхий шалгалтыг авна гэсэн үг. Тестийг хэвлэх үйлдвэрийг сонгон  шалгаруулж, Сангийн яамны шийдвэрийн дагуу хэвлүүлэх аж. Энэ сарын 7-нд эхэлсэн элсэлтийн шалгалтын бүртгэлд 1500 гаруй сурагч онлайнаар бүртгүүлсэн бөгөөд өдөрт 800-3000 гаруй сурагч Боловсролын үнэлгээний төвд хандаж байна.  Бүртгэл дөрөвдүгээр сарын 22-ны өдөр хүртэл үргэлжилнэ.