Баянгол дүүргийн нутаг дэвсгэрт  20-02 УНИ улсын дугаартай Тоёото креста маркийн машин жолоодож  явахдаа Ерөнхийлөгчийн тамгын газрын ажилтны С-ыг мөргөж амь насыг нь хохироосон Чингэлтэй дүүргийн замын цагдаагийн тасгийн байцаагч, дэслэгч Г-д холбогдох хэргийг  Прокурорын дэргэдэх Мөрдөн байцаах албанаас яллах дүгнэлт үйлдүүлэхээр Тээврийн прокурорт шилжүүлсэн байна.  Сэжигтэн цагдаагийн дэслэгч  Г-д Монгол Улсын Замын хөдөлгөөний дүрмийн 9.3 дахь заалтыг зөрчиж, улмаар иргэн С-ийн амь насыг хохироосон гэж үзэж Эрүүгийн хуулийн тусгай ангийн 215 дугаар зүйлийн 215.3 дахь хэсэгт зааснаар яллах дүгнэлт үйлдүүлэхээр  болжээ.