Японы ашгийн бус байгууллага болох Ниппон Фаундэшн сангаас алдарт Страдиварийн хийлийг үнэ хаялцуулах худалдаанд  гаргахаар болсон байна. Энэ үнэтэй хийлийг худалдаж олсон мөнгийг тэр чигт нь Японы байгалийн гамшигт нэрюэгдэгсдэд тусламж болгон өгөхөөр шийдсэн байна. Одоогоос 300 гаран жилийн өмнө буюу 1721 онд италийн нэрт мастерийн урласан энэ хийл өнөөг хүртэл гайхалтай сайхан хадгалагдаж ирсэн байна.

“Хатагтай Блан” хэмээх нэртэй энэ гайхалтай хөгжмийн зэмсгийг суут яруу найрагч Байронын ач охин Энни Бланнид зориулан хийж байсан аж. Хийлийн анхын эзэд нь Францын нэрт хийлч Жан Батист Вийом болон германы цуглуулагч ноён Иоганн Кнооп зэрэг хүмүүс байсан гэнэ. Харин энэхүү хийл 2008 онд японы ашгийн бус дээрхи байгууллагад 10 сая ам.доллараар зарагдан ирсэн гэдэг бөгөөд дэлхийн хамгийн үнэтэй хийл болж байгаа юм. Энэхүү хийлийн үнэ хаялцах худалдаа 6-р сарын 20-оос интернэтээр явагдах бөгөөд Таризо агентлаг хариуцах юм байна.