Их Британийн Батлан хамгаалахын сайд Лиам Фокс, Британийн Жанжин шта­бын дарга Дэвид Ричардс нар Аме­ри­кийн түншүүдтэйгээ хэлэлцээр хий­хээр энэ 26-ны өдөр Вашингтонд очжээ. The Star сонинд бичсэнээр бол хэлэл­цээрийн үеэр “хурандаа Кад­дафийг нэг мөр зайлуулах” төлөв­лөгөөг боловсруулах гэнэ. “Хэрэв дэглэм нь өөрийн ард түмний эсрэг дайныг үргэлжлүүлээд байх юм бол бид тэдний удирдагч нарыг хууль ёсны устгах учиртай бай мөн гэж үзэх болно” хэмээн британийн батлан хамгааоахын сайд Фокс айлчлалынхаа өмнө шууд мэдэгдсэн байлаа. Ливийн сөргөлдөөнийг эвийн  аргаар зохицуу­лахад ганц саад байгаа нь хурандаа Каддафи гэж тэр онцолсон байлаа.
Фокс, Ричардс нар АНУ-ын Батлан хамгаалахын сайд Роберт Гейтс, Штабын дарга нарын хорооны дарга Майк Малленен нартай хэлэлцээр хийж байна. Тэд НАТО-гийн нисэх онгоцнууд ба Америкийн нисгэгчгүй онгоцнуудын цохилтын байг нэмэг­дүүлэх талаар тохиолцжээ.  Нис­гэгч­гүй онгоцнууд л Ливийн дэглэмийн удирд­лагыг авлах анд мордох болол­той. Британичууд нефтийн болон зэвс­гийн агуулахуудыг устгах нь дэглэмд хүнд зэвсэг хэрэглэх боломжийг өгөх­гүй хэмээн үзэж байна.
Сүүлийн өдрүүдэд Триполи хот дахь Муаммар Каддафийн өргөөнүүдэд агаа­раас цохилт хийсэн ба хурандаа түүнд өртөлгүй үлджээ.