Японы эрх баригчид энэ зуны ца­хил­гааны дутагдлын асуудлыг шийд­вэрлэхээр оролдож байна. Тийм арга хэмжээний тоонд том компаниудад цахилгааны хэрэглээг нь хязгаарлах, цахилгааны хэмнэлтийг урамшуулах, зуны цагийг мөрдөх зэрэг оржээ. Сангийн сайд Есихико Нода энэ үеэр “Фүкүшимагийн” оператор ТЕРСО компанийг аврах талаар ярилцжээ. Тэрээр сэтгүүлч нарт хэлэхдээ ком­пани хувийнх байх ёстой мөн хохирогчдод нөхвөр өгөх хөрөнгөтэй байх хэрэгтэй гэж мэдэгдсэн байна.
Осол болсон атомын цахилгаан станцын хонгилд тунасан цацраг ирэвхтийн бохирдолтой усыг шавхах ажил долоо хоног үргэлжилсэн ч цацрагийн төвшин зарим тохиолдолд нэ­мэгд­жээ. Станцад нэмэлт цахил­гаа­ны эх үүсвэрийг өгсөн байна. Тэр нь станцын хөргөх системийн ажиллагааг бүрэн сэргээхэд тус болох ёстой. Японы олон компани, хувь хүмүүс цахилгаан хэмнэх санаачлага гарган ажиллаж байгаа гэнэ.
ТЕРСО компанийг аврах санхүү­гийн төлөвлөгөөг энэ долоо хоногт танил­цуулж магадгүй. Компаниас нөх­вөрт олгох мөнгөний хэмжээг 30 тэрбум ам.доллар гэж тооцсон бай­лаа. Компани нь захирал болон менежерүүдийнхээ цалинг 50 ба 25 хувиар буулгаад байгаа ажээ. Ажилтнууд нь ч цалингаа 25 хувиар бууруулахыг зөвшөөрсөн байна.