Ард түмний их хуралдайн төлөөлөгчид гурван өдөр хуралдаж есөн зүйл бүхий  гуравдугаар тогтоол гэгчийг гаргасан. Уг тогтоолд Засгийн газрыг огцруулах, огцруулж чадахгүй бол УИХ өөрөө тарах, Оюутолгойн гэрээг цуцлах, МАХН-ыг бүртгэх зэрэг зүйлүүд багтаж буй.  Тэдний  гаргасан тогтоолыг  УИХ-ын дарга Д.Дэмбэрэл хоёр байнгын хороогоор хэлэлцүүлэхээр болсон байна. Их хуралдайг зохион байгуулагчид шаардлагынхаа хариуг өнөөдөр 12.00  цагт авна гэх шаардлага тавьссн. Тогтоолын хариуг  өгөхгүй бол "Олигархийн гарт орсон МҮОНРТВ-ийг  хяналтандаа авна гэж "Эх орон, тусгаар тогтнол, шударга ёс" хөдөлгөөнийхөн мэдэгджээ.