1961 онд
“Улаанбаатар” зочид буудал байгуулагдсанаар Монгол Улсад орчин үеийн
зочид буудлын түүх эхэлжээ. Уг зочид буудал хожим Монголын анхны таван
одтой буудал болсон юм. Анхны гэгдэх олон алдрын эзэн “Улаанбаатар”
зочид буудал байгуулагдсаны 50 жилийн ойн арга хэмжээний хүрээнд тус
зочид буудлын тогооч, зөөгчдийн дунд мэргэжлийн уралдаан зохион
байгууллаа.

Монгол
Улсын үйлчилгээний салбарын дүр төрхийг тодорхойлдог уг байгууллагаас
анх удаа зохион байгуулж буй урал даанд 20 тогооч, 25 зөөгч оролцож ур
чадвараа сорьсон юм. Энэ үеэр мастер болон нэгдүгээр зэрэгтэй тогооч тус
бүр нэг шинэ хоол зохиож, үйлчилгээнд гаргахад бэлэн болгох даалгавар
биелүүлсэн.