АНУ-ын болон Швейцарийн эрдэмтэд багахан механик гэмтэл болох зураас болон зүсэлтийг ямар ч түвэггүйгээр арилгах шинэ бодис гарган авлаа. Эрдэмтдийн хэлж байгаагаар авто машин болон мебелийн гадаргуу үргэлж шинэ мэт байх боломжтой болж байгаа юм.

Энэ шинэ бодисыг метал-супра молекулын нэгдэл гэж нэрлэсэн. Хамгийн онцлог шинж нь хэт ягаан туяаг тусгахад минут хүрэхгүй хугацаанд хатуу байдлаас шингэн болж хувирдаг байдал юм. Харин хэт ягаан туяаг тусгахаа болимогц буцаад хатуу болох бөгөөд энэ хооронд зураас болон зүсэлтийг өөгүй болгоно.

Эрдэмтэд бодисыг практик хэрэглээтэй учир зах зээлд эрэлт ихтэй байх болно гэж итгэж байна.