Түвдийн нэгэн сүмд Хятадын тусгай албаныхан хоёр хүнийг хөнөөсөн гэж нутгийн хүмүүсийн мэдээнээс үндэслэн ВВС дамжуулжээ. Тэдний яриагаар амь үрэгдэгсэд 300 гаруй лам нарыг баривчлахыг эсэргүүцэн өмөөрсөн гэнэ.Өмнө нь Түвдээс Хятадын тусгай албаныхан Киртийн сүмд тусгай ажиллагаа явуулан лам нарыг өөр газарт шилжүүлэн “эх оронч үзэлд” сургах гэж байгаа тухай мэдээлэл ирж байжээ.
Гуравдугаар сарын дундуур энэ хийдийн 21 настай лам эсэргүүцлийн уриа хэлж байгаад өөрийгөө шатаасан хэрэг гарсан юм. Түүнээс хойш тэнд цагдаа болон нутгийн иргэдийн хооронд мөргөлдөөн гарсаар байна.
