МАХН, болон Ард түмний амлалт нэхэх холбоо, “Эх орон, шударга ёс” хөдөлгөөнийхөн Сүхбаатарын талбай руу 20 гэр оруулах гэсэн боловч зөвшөөрөл олгосонгүй. Тиймээс жагсагчид Спортын төв ордны өмнөх замыг гэр ачсан машинаараа хааж зогссон байна. Хотын дарга Г.Мөнхбаяр гадаадад айлчлалтай байгаа учраас нийслэлийн Засаг даргын нэгдүгээр орлогч Б.Баатарзориг шаардлагыг хүлээн авсан ч одоогоор ямар нэг хариу өгөөгүй байна. Харин цагдаагийн албан хаагчид гэрийг Сүхбаатарын талбай руу оруулахгүй байгаа тул Спортын төв ордныг замыг хааж жагсч байна гэж их хуралдайг зохион байгуулагчид хэллээ.
