Италийн Ерөнхий сайд Силвио Берлусконигийн охин Барбара Италийн Сери А лигийн “АС Милан” клубын удирдах зөвлөлд орж ажиллахаар болжээ. Клубын удирдлагууд лхагва гаригт хуралдаж, Барбара Берлускониг удирдах зөвлөлийн гишүүн болгосноор зөвлөл 13 хүний бүрэлдэхүүнтэй болж байна. Түүний эцэг Силвио Берлускони клубын ерөнхийлөгч билээ. Силвиогийн хүү Пауло мөн “Милан”-ы удирдах зөвлөлд ажилладаг юм.

Барбарагийн тухайд сүүлийн үед багийн шилдэг тоглогчдын нэг Александр Патотой нэр холбогдох болсон билээ.

Сери А өндөрлөхөд таван тойрог үлдээд буй энэ үед “АС Милан” зургаан онооны давуутай лигийг тэргүүлж байна.