МУИС-ийн Эдийн засгийн сургуулийнхан Оюутолгой төслийн эдийн засгийн нөлөө сэдэвт судалгаа хийжээ. Уг судалгааг “Рио Тинто”-гийн захиалгаар тэдний судалгааны загварыг ашиглан хийсэн байна. Судалгаанд ашигласан программыг нь “Рио Тинто”-гийн удирдлага Эдийн засгийн сургуульд хүлээлгэн өгчээ.  Тус хоёр байгууллага цаашид Оюутолгойд ажиллах боловсон хүчин нийлүүлэх, мэргэжил дээшлүүлэх сургалт явуулах чиглэлээр хамтарч ажиллах гэрээ байгуулахаар болсон байна.