Мягмар гаригт шилжих шөнө Хомс хотын цагдаагийнхан ба тусгай хүчнийхэн хотын төвд болсон 10 мянга орчим хүнтэй жагсаалыг нулимс асгаруулах хий болон галт  зэвсэг хэрэглэн тараажээ.

Шөнийн цагаар хүчнийхэн хотыг гурван давхар бүсэлтээр хаасан байв. Эсэргүүцэл гар­гагч­дад хандан шөнө дундаас өмнө тарахыг сануулж байсан хүчнийхэн цагаасаа өмнө гал нээсний улмаас хоёр хүн шархадсан байна. Уг хотноо шинэчлэлийг шаардагсдаас 25 хүнийг энгийн хувцас өмссөн хүчнийхэн буудан хороосны улмаас уг жагсаал гарчээ.

Энэ үеэр Сирийн Засгийн газар тус оронд 48 жилийн турш мөрдөж байсан онц байдлын дэглэмийг цуцалсан байна. Мөн Сирид ямар нэгэн жагсаал цуглаан хийхийг бүрэн хоригложээ.