Нийслэлийн Яаралтай түргэн тусламжийн төв /ЯТТ/ өнөөдрийн хувьд бусад өдөртэй харьцуулахад ачаалал ихтэй ажиллаж байна. Тус төвийн ээлжийн ахлах диспетчер н.Энхтуяагийн манайп мэдээлснээр “Өнгөрсөн өдрийн хувьд 463 дуудлага ирсэн. Харин өнөөдрийн 08.00-12.00 цагийн хооронд 127 дуудлага ирүүлсний дийлэнх хувийг зүрх судас, даралт ихсэх, хүүхдийн хоолны хордлого гэх дуудлага эзэлж байна.  Ерөнхийдөө хавар болж хүмүүсийн дархлаа суларч, ахмад настан, хүүхдүүдийн архаг хууч өвчин сэдэрдэгтэй холбоотойгоор сүүлийн өдрүүдэд тогтмол 420-500 орчим дуудлага иргэдээс ирж байгаа. 13.00 цагаас хойш дуудлага эрс ихэсдэг” гэлээ.

Өнөөдөр Яаралтай тусламжийн төвд 13 автомашин, 15 их эмч ажиллаж байна. Дуудлага өгч буй иргэд хаягийн мэдээллээ бүрэн дүүрэн өгөхгүйгээс хугацаа алдаж очих тохиолдол гардаг аж.