Орхон аймгийн “Эрдэнэт” цогцолбор сургууль бүсийн хэмжээнд анхны цахим сургууль боллоо. Тус цахим сургуулийн нээлт өнгөрсөн долоо хоногт болсон бөгөөд цаашид сургууль багш, сурагч, эцэг эхийн хоорондох харилцаа, уялдаа холбоонд техник технологийн дэвшил гарч байгаа юм. Хүүхдийнхээ сурлага, идэвх, гэрийн даалгавар, ирцийг ч цахим сүлжээгээр гэрээсээ мэдэж болох аж. Тус цогцолбор цахим сургууль болоход аймгийн төсвөөс 20 шахам сая төгрөгийн дэмжлэг үзүүлсэн байна.
Түүнчлэн БСШУ-ны яам болон эцэг эхчүүд багагүй хөрөнгө оруулалт хийж, нийт 81 сая төгрөгийг зарцуулсан байна. Цахим сургууль болсноор ихэнх багш зөөврийн компьютертай болж, сургуулийн анги танхим компьютерээр хангагдсан байна. Ингэснээр 90 орчим хувь нь компьютерийн сүлжээнд холбогдсон гэж үзэж байгаа юм. Зөвхөн цогцолборын “толгой” сургууль цахим болоод зогсохгүй харъяа сургуулиуд нь цахимд холбогдсон улсын хэмжээний анхны цахим цогцолбор болж байгаагаараа онцлог аж.
Түүнчлэн БСШУ-ны яам болон эцэг эхчүүд багагүй хөрөнгө оруулалт хийж, нийт 81 сая төгрөгийг зарцуулсан байна. Цахим сургууль болсноор ихэнх багш зөөврийн компьютертай болж, сургуулийн анги танхим компьютерээр хангагдсан байна. Ингэснээр 90 орчим хувь нь компьютерийн сүлжээнд холбогдсон гэж үзэж байгаа юм. Зөвхөн цогцолборын “толгой” сургууль цахим болоод зогсохгүй харъяа сургуулиуд нь цахимд холбогдсон улсын хэмжээний анхны цахим цогцолбор болж байгаагаараа онцлог аж.